Барселона, 18 октомври 2022 (МИА) - Барселона е заинтересирана за десниот бек на Манчестер јунајтед, Диого Далот. Според „Мундо Депортиво“, Португалецот е интересен за Барса и е на листата на приоритетни опции за засилување на десната страна на одбраната. Желба за негов ангажман постои и кај раководството на клубот и кај стручниот штаб на каталонскиот клуб. Далот наскоро ќе донесе одлука за својата иднина во Манчестер јунајтед. Неговиот договор е со важност до летото 2023 година, има опција за продолжување на соработката на една сезона. Доколку Диого не се согласи да потпише нов договор, Манчестер јунајтед може да го пушти. Дваесет и тригодишниот фудбалер оваа сезона забележа 13 настапи за Манчестер јунајтед во сите натпреварувања и имаше две асистенции. зс/