Shkup, 24 dhjetor 2024 (MIA) – Në tregun postar të Maqedonisë së Veriut për herë të parë janë vendosur paketomatë, pajisje të cilat shfrytëzuesve u mundësojnë vetëshërbim me marrjen e porosive të tyre në çfarëdo kohe në afat prej 72 orëve. Në Shkup tashmë janë vendosur në shtatë lokacione, ndërsa në Manastir në një.

“Kjo risi u mundëson shfrytëzuesve të zgjedhin vendndodhjen e paketomatëve që u përshtatet më shumë, të kryejnë pagesën e dërgesës përmes bankave elektronike (nëse kanë detyrimin për të paguar) dhe të marrin dërgesën e tyre me SMS. Mjafton të lidhen me lidhjen nga mesazhi SMS, i cili do t'u kërkojë të lidhen me bluetooth dhe inbox-i i tyre do të hapet menjëherë” deklaroi për MIA-n, Biljana Glumac nga Kargo Ekspres, kompani që prezanton për herë të parë shërbimin e dërgesës përmes Paketomat ose Locker, cila i mundëson përdoruesit qasje moderne, praktike dhe të shpejtë në dërgesën e tij.

Trendi i marrjes së porosive nga paketomatet në vendet evropiane dhe te fqinjët tanë rritet nga viti në vit, ndërsa arsyeja më e madhe për vonesën e një projekti të tillë në shtet, siç thotë, është ajo që në tregun tonë postar një pjesë e madhe e dërgesave janë me pagesë gjatë dërgesës gjegjësisht shpërblesë ose postë.

“Ekipi ynë po përpiqej të gjente një zgjidhje se si do të zbatohej kjo pagesë pa u ekspozuar përdoruesit e shërbimit ndaj shpenzimeve shtesë. Nevojat e një kompanie për përmirësim dhe zhvillim të vazhdueshëm ndikuan në realizimin e një projekti të tillë, pra integrimin e shërbimeve logjistike në strategjinë e zhvillimit të saj për të realizuar përfitimet për ofertën për përdoruesit”, deklaroi Glumac.

Glumac potencoi se shitja on-llajn sot po bëhet fuqi kryesore në tregun postar, ndërsa në të ardhmen e afërt do të jetë mënyrë tradicionale e blerjes. 

Në Regjistrin e Agjencisë së Postave janë evidentuar 34 ofrues të shërbimeve postare, prej të cilëve 33 janë me licenca me autorizim të përgjithshëm, përveç SHA Posta e Maqedonisë së Veriut e cila është me leje individuale. fc/

Fotografia: Kargoekspres