Ливерпул, 16 јуни 2020 (МИА) – Тренерот на Ренџерс, Стивен Џерард ја пофали работата на тренерот на Ливерпул, Јирген Клоп. - Мислам дека Јирген Клоп е најдобриот тренер во светот. Знам дека има многу успешни тренери. Пеп Гвардиола е неверојатен, како и Карло Анчелоти. Мислам дека Евертон беше навистина среќен што таков специјалист го водеше тимот. Можам да именувам уште многу имиња. Имајќи искуство како тренер во изминатите две години, разбирам колку е тешка оваа работа. Немам ништо друго освен почит кон Јирген. Тој дојде го донесе Ливерпул на ново ниво. Клубот треба да му направи статуа на „Енфилд“ покрај статуите на поранешните тренери на „црвените“, Бил Шанкли и Боб Пејсли. Знаејќи го Јирген, мислам дека нема да сака. Знам дека тој е скромен и учтив. Но, кога ќе погледнете во обемот на работата што тој го направил, разбирате дека тој сигурно заслужува слично споменување до овие одлични тренери, изјави Џерард. Мора да се земе предвид дека кога Јирген го презема Ливерпул, тие не беа блиску да бидат најдобриот тим во Англија. Ливерпул дури не влезе во првите четири. Дојде во Ливерпул и стигна до трофејот во Лигата на шампиони, а сега е на прагот да го донесе во клубот трофејот од Премиер лигата по цели 30 години, додаде Џерард. Што се однесува до мене, човек како Јурген треба да биде награден сега. Се чини дека во фудбалот честопати чекаме додека луѓето стареат пред целосно да се препознаат нивните достигнувања. Но, знам дека сопствениците на Ливерпул нема да го дозволат тоа. Кога Јирген ќе ја освои титулата, тие веќе треба да започнат со работа на неговата статуа, потенцира поранешниот капитен и легенда на Ливерпул. зс/