Бањалука, 20 декември 2023 (МИА) - Високиот претставник во БиХ Кристијан Шмит изјави дека одбележувањето на 9 јануари како Ден на Република Српска е јасно и директно неуспех во спроведувањето на конечните и обврзувачки одлуки на Уставниот суд на БиХ и неговите одлуки од 1 јули 2023 година.

Шмит предупреди дека непочитувањето на одлуките на Уставниот суд е кривично дело според Кривичниот законик на Босна и Херцеговина, соопшти денеска Канцеларијата на високиот претставник (ОХР).

Тој изјави дека „останува на органите на прогонот, на Обвинителството на БиХ и на полицијата, да ги преземат соодветните следни чекори пропишани со закон, особено во случаите поврзани со јавните службеници и државните службеници и нивното учество во подготовката или организацијата на прославата на 9 јануари“.

Според него, владеењето на правото е неопходен предуслов за стабилна и просперитетна иднина за сите граѓани на Босна и Херцеговина, заедно со комуникација, дијалог и компромис.

Уставниот суд на Босна и Херцеговина го оспори 9 јануари како Ден на РС, но властите на Босна и Херцеговина ентитетите продолжија да го слават. мс/

фото: МИА архива