Варшава, 4 октомври 2024 (МИА) – Прворангираната тенисерка во светот, Ига Швјонтек од Полска, денеска објави дека ја прекинува соработката со својот тренер Томаш Викторовски.
„По три години од моите најголеми успеси во кариерата, заедно со мојот тренер Томаш Викторовски, донесовме одлука да ја прекинеме нашата соработка“, напиша Швјонтек на Инстаграм.
За време на тригодишната работа со Викторовски, полската тенисерка освои четири од нејзините пет грен слем титули.
„Тренерот Викторовски се приклучи на мојот тим кога навистина ми беа потребни промени. Неговото искуство, аналитички став и огромното познавање на тенисот ми помогнаа да постигнам работи за кои не сум сонувала“, додаде Швјонтек.
Најдобрата светска тенисерка го назначи Викторовски за свој тренер на крајот од сезоната 2021. Тој и помогна да освои 19 од нејзините 22 титули во кариерата, како и олимписка бронза на Игрите во Париз.
Викторовски минатата година беше избран за тренер на годината на ВТА од неговите колеги. ег

ФОТО: Фејсбук