Синсинати, 15 август 2024 (МИА) – Првиот светски рекет Ига Швјонтек ги искажа своите впечатоци по тешкиот меч во второто коло од турнирот во Синсинати.

Полјачката ноќеска ја победи Варвара Грачева од Франција со 6:0, 6:7(8) и 6:2. 

Во вториот сет Швијатек имаше четири меч топки при резултат 5:2 на сервис на Французинката и уште една во тајбрејкот.

- Знаев дека имам можност да победам бидејќи имав пет меч топки. Но, нивното спроведување не беше лесно. Мислам дека Варвара играше послободно, а јас попасивно. Беше разочарувачки, но понекогаш тоа се случува. Сама сум виновна што не можев да го завршам натпреварот порано. Но, овие работи се случуваат, и не сакам да жалам за тоа. Се фокусирав на третиот сет и се обидов да извлечам поука од ова - ја сменив играта во онаа што беше на почетокот, истакна Швјонтек.

Таа се пласира во осминафиналето каде ќе се соочи со Украинката, Марта Костјук. зс/

Фото: ЕПА