Вашингтон, 16 јуни 2022 (МИА) - Американскиот експерт за заразни болести Ентони Фаучи е позитивен на Ковид-19. Тој е тестиран со брз антиген тест и продолжува да работи од својот дом додека закрепнува, информираше Националниот институт за здравје. „Моментално има лесни симптоми“, додаваат од Институтот. Осумдесет и едногодишниот Фаучи, целосно вакциниран и со примени две бустер дози, во скорашно време немал близок контакт со претседателот на САД, Џо Бајден, на кого му е главен советник за здравство. Фаучи како долгорочен управител на Институтот за алергија и заразни болести го предводеше одговорот на САД на секоја пандемија од 1984 година. Тој особено е ценет поради своето водство за време на раните борби против ХИВ и СИДА. бд/зш/