Скопје, 24 декември 2024 

Советот на Општина Илинден го усвои Буџетот за 2025 година, со вкупна вредност од 543.501.000 денари или приближно 8,8 милиони евра.

Анализата на приходите и расходите на Општината во буџетот за минатите години и планираните реални приходи за 2025 година се земени како основа во проектирањето на Буџетот на Општина Илинден, со развојна компонента при што е применет партиципативниот принцип на буџетирање, како и следење на реалните потреби и барања на локалната заедница при дефинирање на програмите за развој.

Значителен дел од капиталните расходи се планирани во програмата за изградба и реконструкција на локални улици и патишта, односно се планира за подобрување на патната инфраструктура (изградба, реконструкција, санација и рехабилитација на локалната патна инфраструктура), подобрување на инфраструктурата во стопанските комплекси и во локалните економски зони и одржување на постојната патна инфраструктура.

Во програмата за заштита и унапредување на животната средина наменети се средства за изградба на фекална канализација и чистење на одводни канали и речни корита, оржување чистота на јавни површини, одржување, уредување и проширување на јавни зелени површини и пошумување, субвенции на граѓаните за потикнување на заштита на животната средина.

За капитални расходи во образование и детска градинка наменети се средства за нова опрема, реконструкција и доградба на постојните училишта и на детската градинка во општината, како и вложување во спортска инфраструктура.

Општина Илинден

Одделение за поддршка на Градоначалникот

_______________________________________________________________________________________ 

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

фото: Општина Илинден