Киев, 24 декември 2024 (МИА) – Украинскиот претседател Володимир Зеленски упати честитка за Божиќ истакнувајќи дека Украинците втора година го слават овој празник „како едно големо семејство, една земја“.

Минатата година за првпат од 1917 година, Украина почна да го слави Божиќ на 25 декември наместо на 7 јануари.

- По втор пат во модерната историја, Божиќ ги обединува сите Украинци. Денеска стоиме рамо до рамо и нема да бидеме изгубени. Без разлика дали во живо или во нашите мисли, ќе се поздравиме, ќе ги повикаме родителите, ќе ги бакнуваме децата, ќе ги гушкаме нашите најблиски и ќе се сеќаваме на оние што ги сакаме. Лице в лице, оддалеку или во своите срца, Украинците денес се заедно. И сè додека го правиме тоа, злото нема шанси, наведе Зеленски во честитката.

- Ова единство и топлина кон другите го отелотворуваат вистинскиот дух на Божиќ, единствена атмосфера што ќе ја зачуваме во себе и ќе ја споделиме со оние околу нас. Со оние што ги сакаме. Со оние кои се наше семејство, а денес тоа е секој Украинец, рече Зеленски честитајќи го Христовото раѓање според Грегоријанскиот календар. јт/

Фото: Скриншот