Тетовските пожарникари отсега ќе може да интервенираат со новиот камион со подвижна скала од 37 метри
- Тетовските пожарникари денеска по првпат пред граѓаните покажаа како ќе се употребува новиот камион со подвижна скала од 37 метри. Презентацијата и вежбата беа изведени на градскиот плоштад, по повод Националниот ден на пожарникарите. Тие пред граѓаните покажаа како пожарникарите ќе се искачуваат од надворешната страна на високите згради и како се спуштаат граѓаните. Камионот со скалите е донација од иселеници од Швајцарија.
![Тетовските пожарникари отсега ќе може да интервенираат со новиот камион со подвижна скала од 37 метри](https://new.mia.mk/images/20230520133448_big_730x400_37.webp )
Тетово, 20 мај 2023 (МИА) - Тетовските пожарникари денеска по првпат пред граѓаните покажаа како ќе се употребува новиот камион со подвижна скала од 37 метри. Презентацијата и вежбата беа изведени на градскиот плоштад, по повод Националниот ден на пожарникарите. Тие пред граѓаните покажаа како пожарникарите ќе се искачуваат од надворешната страна на високите згради и како се спуштаат граѓаните. Камионот со скалите е донација од иселеници од Швајцарија.
-Уште не се употребени овие скали бидејќи имавме инструктори од Операција Флоријан. Ги научија нашите тимови за да бидат спремни и да знаат да ги употребуваат скалите до височина од 37 метри. Денеска по првпат имавме и показна вежба како се интервенира во случај на потреба од спасување од хемикалии и отрови. Воедно дел од вежбите беше интервенција со сечење на возило и извлекување на патници при сообраќајна несреќа, изјави Авни Амети, командир на Територијалната противпожарна единица Тетово.
Иако на Советот на Општина Тетово беше усвоена студија за дисперзија на ТППЕ Тетово, сè уште нема реализација на идејата.
- Генерално е разговарано со градоначалниците на другите општини. Работиме на детали за договори кои ќе бидат доставени до градоначалниците и после ќе одиме на следен чекор основање на дисперзирани единици. И по закон се обврзани другите општини да покријат дел од трошоците. Со оваа дисперзија се надеваме дека подобро ќе ги регулираме односите, изјави градоначалникот Биљал Касами.
Противпожарната единица Тетово брои 75 вработени.
- Уште толку ни требаат за да го покриеме целото подрачје што го покриваме со нашата дејност. Најдалечната точка ние е селото на границата со Косово на 36 километри. Во правец на Гостивар покриваме 16 километри и до Скопје 18 километри. Шар Планина е наша одговорност, односно сите села во планините. Заедно со градоначалникот сме работиме да се дисперзира нашата противпожарна единица. Ние се трудиме со сите законски мерки да го постигнеме тоа, истакна Авни Амети.
Лани ТППЕ имала 586 интервенции, поголем дел се на отворен простор и во објекти. Досега имале 213 интервенции.ас/бт/
фото МИА