Техеран, 13 јануари 2026 (МИА) - Иран, по сè изгледа, го ослободил грчкиот танкер „Св. Никола“, кој беше задржан во јануари 2024 година, соопшти службата за следење бродови „Танкер трекерс“, пренесува БТА.

Иранските власти го задржаа танкерот, кој превезуваше ирачка сурова нафта кон Турција, како одговор на конфискацијата на истиот брод и неговиот товар од страна на Соединетите Американски Држави во 2023 година, соопштија тогаш иранските државни медиуми.

Конфискацијата на „Св. Никола“ од страна на САД беше дел од операција за спроведување санкции. Во тој период бродот пловеше под друго име – „Суец Раџан“.

Иран тогаш ги предупреди САД дека нивните постапки „нема да останат без одговор“. ссм/ми/

фото: архива