• сабота, 22 март 2025
Македонски
  • English
  • Shqip
  • Македонски

Суданската армија ја зазеде Претседателската палата во Картум

Суданската армија ја зазеде Претседателската палата во Картум

Картум, 20 март 2025 (МИА) – Армијата на Судан синоќа ја ослободи Претседателската палата во Картум, што беше под контрола на паравоените Сили за брза поддршка (РСФ), јави денеска суданската телевизија.

Судирите помеѓу армијата и РСФ почнаа доцна синоќа, при што војската од воздух го нападна централниот дел на Картум.

По речиси две години војна, РСФ го контролира поголемиот дел од западен Судан и делови од главниот град Картум, но претрпе порази од армијата во централен Судан.

Двете воени фракции, армијата и РСФ, извршија државен удар во 2021 година, соборувајќи го цивилното владеење, а војната избувна во април 2023 година, откако плановите за нова транзиција предизвикаа насилен конфликт.

Војната во Судан предизвика најголемата хуманитарна криза во светот, а РСФ и армијата се обвинети за масовно кршење на човековите права. Од почетокот на конфликтот помеѓу суданската армија и загинаа илјадници луѓе, а речиси 10 милиони лица ги напуштиле своите домови. ми/

фото: Икс

Остани поврзан