Струга, 2 јуни 2023 (МИА) - Јавното претпријатие „Комунално“ денеска почна акција за промена на старите и дотраени метални контејнири поставени на градските улици, со нови пластични за мешовит отпад со зафатнина 1,1 кубен метар.

Според директорот на претпријатието Иќмет Ислами, акцијата е со цел подобрување на состојбата со управување со отпадот во Струга.

- Новите контејнери се поставени на локации каде предходно беше констатирано дека се одлага поголема количина смет. Со ова значително се подобрува комуналната инфраструктура и услугата собирање и депонирање смет, истакна Ислами.

Апелира до граѓаните да ги чуваат новите контејнери, да не ги палат и да не фрлаат несоодветен отпад. сс/вг/

Фото ЈП „Комунално“ Струга