Скопје, 8 ноември 2024 (МИА) - Советот на Амбасадори на Република Северна Македонија упати честитка  до Доналд Трамп и до американскиот народ по повод изборот неговиот избор за претседател на САД.

-Советот на Амбасадори на Република Северна Македонија му честита на Избраниот Претседател на Соединетите Американски Држави, Доналд Трамп! Советот му честита на американскиот народ за изборот. Советот изразува уверување дека во периодот на составување Влада на САД и утврдување рамки за нејзината надворешна, безбедносна и трговска политика ќе бидат потврдени добрите односи на Северна Македонија  и САД. Советот посакува нивно натамошно унапредување во духот на Декларацијата за стратегиско партнерство меѓу двете земји, убеден дека администрацијта на Претседателот Трамп ќе продолжи да работи на унапредување и зајакнување на процесите, што се од заемен интерес на двете земји и на ЕУ, кон која стреми нашата земја, а што во крајна инстанца ќе резултира со позитивен исход  за нас, за ЕУ и за САД, стои во соопштението од Советот на Амбасадори на Северна Македонија.

Најновите проекции на медиумската компанија Еј-Би-Си Њуз (ABC News) покажуваат дека победникот на американските претседателски избори, Трамп, освои 301 електорски глас, наспроти 226 на кандидатката на Демократската партија, Камала Харис. Еј-Би-Си предвидува дека Трамп ќе победи и во Невада, која ја загуби и на изборите во 2016 и во 2020 година. вг/нд/

Фото: МИА архива