Берлин, 4 ноември 2024 (МИА) - НАТО ќе остане обединет без разлика кој ќе победи на изборите во САД, рече генералниот секретар на алијансата Марк Руте денеска во Берлин.

„Кој и да победи на тие избори, ќе работиме со Камала Харис, ќе работиме со Доналд Трамп и ќе се погрижиме алијансата да остане обединета“, рече Руте заедно со германскиот канцелар Олаф Шолц.

Руте рече дека „нема сомневање“ дека кој и да победи на изборите ќе продолжи да го поддржува НАТО бидејќи тоа е „во интерес на САД“.

Алијансата беше погодена за време на претседателството на Трамп во 2017-2021 година, бидејќи тој ги критикуваше сојузниците за, како што рече, недоволното трошење. зш/