Прилепска победа освои значајни три бода на гостувањето во М.Каменица
Македонска Каменица, 23 април 2022 (МИА) - Фудбалерите на „Каменица Саса" загубија значајни бодови во борбата за највисок пласман, откако во денешниот натпревар на Градскиот стадион во М.Каменица загубија од конкурентскиот тим на ФК „Победа" од Прилеп.
Прилепчани беа подобар противник во текот на целиот натпревар, навестувајќи ја победата во 16. минута со првиот погодок на двојниот стрелец Спиркоски, кој добрата игра ја круниса со втор погодок на почетокот на второто полувреме.
Домаќините иако намалија во 50. минута со голот на Дарко Алексовски од пенал, не успеаја целосно да се вратат во натпреварот, со што остана конечниот епилог од 1:2 за Победа.
За одбележување на натпреварот е поддршката од стотината навивачи на гостите од Прилеп, верните „мајмуни" кои беа ветер во грб на своите миленици, кои со оваа победа го задржаа чекорот за влез во елитното фудбалско натпреварување. вс/
