Дебар, 29 август 2023 (МИА) - Полициски службеници од Одделението за внатрешни работи во Дебар привеле жител на село Рајчица за агресивно однесување и напд врз вработени во казино во Дебар.

- Денеска наутро полициски службеници го привеле С.Ф.(28) од с.Рајчица затоа што околу 3.00 часот во казино на главната улица ул.„8 Септември во Дебар агресивно се однесувал кон вработените и физички нападнал едно лице од обезбедувањето, информираа од Секторот за внатрешни работи-Охрид.

Додаваат дека по целосно документирање на случајот ќе биде поднесена  соодветна пријава.

Како што велат очевидци С.Ф. кој бил во алкохолизирана состојба почнал со напади и навреди кон вработените во казиното. Агресивноста ја покажувал и со кршење на предмети. Истото го сторил и со лице од обезбедувањето по што се обидел да побегне, но полициските службеници го фатиле и бил однесен во полициската станица од општа надлежност- Дебар. вт/мд/