Лондон, 18 април 2023 (МИА) – Фудбалската Премиер лига соопшти дека ова лето ќе организира претсезонски турнир во САД на кој ќе учествуваат шест екипи.

Челзи, Њукасл, Атон вила, Фулам, Брајтон и Брентфорд ќе одиграат вкупно девет натпревари во периодот од 22 до 30 јули во пет американски градови – Атланта, Орландо, Филаделфија, Харисон и Ладновер.

Иако големите англиски клубови веќе играат претсезонски натпревари во САД, ова ќе биде прв пат Премиер лигата да организира турнир на американска почва.

Овој турнир е дел од „континуираната посветеност кон нашите навивачи од САД“, соопшти во вторникот Премиер лигата. ег/рп/

ФОТО: Твитер