Прва суперлигашка победа на ППК"Крива Паланка 2007"
- Во третото коло од пингпонгарската Суперлига на Република Северна Македонија, тимот на ППК "Крива Паланка 2007" ја забележа првата победа сезонава, во камбекот на настапите во супер лигата по
![Прва суперлигашка победа на ППК](https://new.mia.mk/images/20221104202547_big_730x400_81.webp )
Крива Паланка, 2O септември 2020, (МИА) - Во третото коло од пингпонгарската Суперлига на Република Северна Македонија, тимот на ППК "Крива Паланка 2007" ја забележа првата победа сезонава, во камбекот на настапите во супер лигата по една деценија.
- Нашиот клуб сезонава се врати во елитната државна Суперлига по една деценија отсуство. Во сезоната 2010/11 со јуниори бевме прваци во супер лигата, по што поради финансиски причини не продолживме.Оваа сезона сме повторно присутни, одигравме две кола минатиот викенд, играјќи во адаптиран, ослабен, состав поради Ковид-19, зашто два наши првотимци не настапија, а и денес игравме со таков состав,но имавме среќа и остваривме прва победа во Суперлигата, со 4:2 против Струга. Во тимот го имавме најмладиот играч, Лука Стаменковски,со осум ипол години и Игор Јовановски, највозрасниот член на клубот,кој прв започнал со тренинзи во истиот, рече Мартин Стаменковски, претседател и тренер на ППК "Крива Паланка 2007".