Потпишан Меморандум за соработка помеѓу „Меѓаши“ и здружението „Центар за рамноправно родителство – Децата пред сè“
- Првата детска амбасада во светот „Меѓаши“ денеска потпиша Меморандум за соработка со новоформираното здружение на граѓани „Центар за рамноправно родителство – Децата пред сè“.
![Потпишан Меморандум за соработка помеѓу „Меѓаши“ и здружението „Центар за рамноправно родителство – Децата пред сè“](https://new.mia.mk/images/20221112154715_big_730x400_1.webp )
Скопје, 25 март 2022 (МИА) - Првата детска амбасада во светот „Меѓаши“ денеска потпиша Меморандум за соработка со новоформираното здружение на граѓани „Центар за рамноправно родителство – Децата пред сè“.
Соработката ќе биде насочена кон овозможување децата да го остварат нивното основно право на континуирано присуство на двајцата родители во нивниот живот, растење и воспитување.
Покрај потпишувањето на Меморандумот, беше одржана и прес-конференција на којашто амбасадата и здружението говореа за проблемите со кои голем број деца се среќаваат при бракоразводните постапки на нивните родители, особено фактот дека се поголем број деца се предмет на родителско отуѓување.
![Потпишан Меморандум за соработка помеѓу „Меѓаши“ и здружението „Центар за рамноправно родителство – Децата пред сè“](/articles/images/%d0%bf%d0%be%d1%82%d0%bf%d0%b8%d1%88%d0%b0%d0%bd-%d0%bc%d0%b5%d0%bc%d0/YtTzT1HyW/placeholder.webp?use_watermark=0)
На прес конференцијата се говореше за најчестите примери на девијации кои се јавуваат кај децата кои се предмет на конфликтни разводи и зошто е добро да се воведе заедничко родителство, за што образложи прим д-р Славица Гајдаѕис-Кнежевиќ од Институт Алтернатива.
За крај, Клементина Добревска, психолог и координаторка на АлоБушавко -Телефонот за деца и млади апелираше до сите родители, мајки и татковци во време на развод да останат разумни, да ја тргнат себичноста на страна и да не влегуваат во војна со своите поранешни партнери, во најдобар интерес на децата, бидејќи нивните проблеми оставаат трага и несакани последици кај нивните деца. ки/ац/