Белград, 17 јуни 2024 (МИА) - Најскапиот гаражен простор во Србија, во првите три месеци од годинава, е продаден во белградската општина Врачар по цена од 73.000 евра, соопшти Републичкиот завод за геодетика. Што се однесува до становите, сепак најскапи квадрати се оние кои се изградени - Белград на вода.

Во извештајот на РГЗ за состојбата на пазарот на недвижности во првиот квартал од годинава станот за кој биле издвоени најмногу пари во тој период се наоѓа во нова зграда во населбата Белград на вода - 1.226.888 евра и е со површина од 188 метри квадратни.

„На таа локација најскапиот стан од квадрат е продаден во првиот квартал од 2024 година, за 10.350 евра за метар квадратен“, се наведува во извештајот.

Најскапата куќа е продадена во општина Савски венац (Град Белград) - за 3.182.000 евра.

„Најскапиот квадратен метар деловен простор се тргуваше во градската општина Врачар (град Белград) за 11.500 евра, со површина од 20 метри квадратни, а највисока договорена цена на деловен простор од 3.098.790 евра, со површина од 332 метри квадратни, е реализирана во белградската општина Савски венац“.

Што се однесува до земјоделското земјиште, најскапиот квадрат се тргуваше на територијата на Град Нови Сад (катастарска општина Руменка) по цена од 50 евра за метар квадратен, за парцела од 1.096 метри квадратни.

Најскапото земјоделско земјиште во Република Србија, за кое се издвоени 2,2 милиони евра, е на територијата на градската општина Палилула (Град Белград) и има површина од 115 хектари.зш/