Дакар, 23 септември 2024 (МИА) - Најмалку 30 тела се пронајдени во чамец кој плови во близина на брегот на главниот град на Сенегал, Дакар, соопшти денеска армијата.

Морнарицата била информирана за присуството на бродот синоќа и испратила патрола во областа, на 70 километри од Дакар, се вели во соопштението на портпаролот на сенегалската армија Ибрахима Соу.

-Напредното распаѓање на телото го отежнува процесот на идентификација, соопшти војската, додавајќи дека истрагата ќе обезбеди повеќе информации за бројот на загинатите и потеклото на чамецот.

На почетокот на месецот кај брегот на Сенегал се преврте чамец со 89 луѓе.

Според сенегалските власти, загинале најмалку 37 лица.

Многу мигранти кои ја напуштаат Западна Африка преку Сенегал бегаат од конфликти, сиромаштија и недостаток на работа. мс/

фото: ЕПА