Неапол, 7 мај 2023 (МИА) - Лучијано Спалети е незадоволен од односот кон него од претседателот на Наполи. Според „Corriere della Sera“, на главниот тренер не му се допаднало тоа што Аурелио Де Лаурентис го известил за едногодишно продолжување на договорот преку заверена е-пошта. 

Тој би сакал лично да се сретне со шефот на клубот, вклучително и да разговара за перспективите.

Се забележува дека прашањето не е поврзано само со економската страна (Спалети добива помалку од другите тренери на водечките италијански клубови), туку и со правилата за „пристојност“.

Во случај да дојде до сериозен раскол меѓу тренерот и претседателот, што ќе доведе до заминување на Спалети, Де Лаурентис може да ги назначи Антонио Конте (екс тренер на Интер), Винченцо Италијано (Фиорентина) или Роберто Де Зерби (Брајтон). зс/

Фото: ЕПА