Мадрид, 6 ноември 2024 (МИА) – Фудбалерот на Милан, Алваро Мората е задоволен од изданието на неговиот тим на синоќешното гостување во Мадрид.

Милан го совлада Реал со 3:1 во 4. коло од Лигата на шампионите.

- Реал Мадрид е одличен тим. Моравме да направиме големи жртви и многу трчање, работевме заедно за доброто на тимот. Кога се бориме на теренот како 11 лавови, не е лесно некој да не победи, изјави Мората за сајтот на УЕФА.

Милан собра шест бода и се наоѓа на 18. место, Реал е 17-ти исто така со шест освоени бодови. зс/

Фото: ЕПА