Младите и домувањето - тема на првиот Фестивал за домување во Скопје
- На фестивалот се отворија прашања поврзани со домувањето и потребите на младите лица, граѓанското учество во донесувањето одлуки поврзани со домувањето и домувањето од аспект на родовата еднаквост, се наведува во соопштението на ОДС.
![Младите и домувањето - тема на првиот Фестивал за домување во Скопје](https://new.mia.mk/images/20230528133608_big_730x400_13.webp )
Скопје, 28 мај 2023 (МИА) - Во Паркот на Франкофонијата во Скопје вчера се одржа првиот „Фестивал за домување: Безбедно, достоинствено и пристапно домување за сите“ во организација на Организацијата за домување и станари (ОДС), Фондацијата „Фридрих Еберт” (ФЕС) и Социјалдемократската младина на Македонија.
- На фестивалот се отворија прашања поврзани со домувањето и потребите на младите лица, граѓанското учество во донесувањето одлуки поврзани со домувањето и домувањето од аспект на родовата еднаквост, се наведува во соопштението на ОДС.
Воведни излагања имале координаторката на програмата во Фондација „Фридрих Еберт“, Ивана Вучкова, претседателката на Организација за домување и станари, Маја Сталеска и претседателот на Социјалдемократската младина на Македонија, Марко Михаилоски.
- На првиот „Фестивал за домување: Безбедно, достоинствено и пристапно домување за сите“, учество зедоа и експертите Гудмундур Храфн Арнгримсон од Унија на станари - Исланд, Јохан Пелинг од Унијата на станари - Шведска, како и Ханс Еклунд од Меѓународното здружение на станари. Исто така, презентирани беа методологијата и софтверскиот калкулатор за регулирање на пазарот на издавање на недвижнини од страна на експертката консултант Александра Шумкоска, се додава во соопштението. бд/аа/
Фото: ОДС