Манастирот во Матка се подготовува за Голема Богородица
- Во недела на 28 август православните христијани го одбележуваат празникот Успение на Пресвета Богородица во народот познат како Голема Богородица. Во манастирот Успение на Пресвета Богородица
![Манастирот во Матка се подготовува за Голема Богородица](https://new.mia.mk/images/20221113204231_big_730x400_11.webp )
Скопје, 25 август 2022 (МИА) - Во недела на 28 август православните христијани го одбележуваат празникот Успение на Пресвета Богородица во народот познат како Голема Богородица. Во манастирот Успение на Пресвета Богородица во Матка, крај Скопје, одбележувањето на празникот започнува во сабота попладне, а во недела во утринските часови ќе се одржи литургија со која ќе чиноначалствува неговото блаженство архиепископот на МПЦ-ОА г.г. Стефан.
Во предвечерието на празникот, во сабота на 27 август во 17:30 часот ќе се одржи вечерна богослужба, а на полноќ ќе започне сеноќното бдение.
На денот на празникот на 28 август, Светата Божествена литургија ќе започне во 8 и 30 часот, а со неа ќе чиноначалствува поглаварот на Македонската православна црква – Охридска Архиепископија, архиепископот Охридски и Македонски г.г Стефан.
-Возљубени во Христа, Ве покануваме на Богослужбите во чест на Успението на Пресвета Богородица.
Ќе ни биде драго заедно со Вас, да и укажеме почит и благодарност на нашата Мајка и заштитничка Пресвета Богородица, која вистински не закрилува нас сите и заеднички достојно да го прославиме Нејзиното Успение, е пораката што ја упати сестринството од Манастирот.
И оваа година во дворот на манастирот, традиционално, ќе се одржи крводарителска акција.
Сестринството упатува апел до граѓаните и верниците, кои за време на празничните денови во голем број доаѓаат во манастирот, да ги почитуваат препораките за заштита од Ковид -19: да се одржува физичко растојание од 1.5 метар или задолжително да се носи маска, да се врши дезинфекција на рацете при влез и за време на престојот во манастирот. ев/са/
![](/articles/images/pochnuva-bogorodichniot-post/eI8eROfzw/placeholder.webp?use_watermark=0)
![Перпетуа](/articles/images/%d0%bc%d0%b0%d0%bd%d0%b0%d1%81%d1%82%d0%b8%d1%80%d0%be%d1%82-%d0%b2%d0/lXYqONcFZ/placeholder.webp?use_watermark=0)