Македонија 2025 објави седум стипендии за РАНЕПА
- Македонија 2025 објави седум стипендии за Руската претседателска академија за национална економија и јавна администрација (РАНЕПА) во Москва за учебната 2021 година.
![Македонија 2025 објави седум стипендии за РАНЕПА](https://new.mia.mk/images/20221106134926_big_730x400_43.webp )
Скопје, 15 март 2021 (МИА) - Македонија 2025 објави седум стипендии за Руската претседателска академија за национална економија и јавна администрација (РАНЕПА) во Москва за учебната 2021 година.
Од Македонија 2025 наведуваат дека станува збор за најдобра Бизнис школа во Русија со меѓународна и национална акредитација, која според последните рангирања (во 2020 година) на универзитетите во Русија се наоѓа на 4-тото место.
Предвидени се две стипендии со целосна школарина за додипломски студии по Европски бизнис, јазик и култура (4 годишни студии), две стипендии со целосна школарина за магистерски студии по глобално лидерство (2 годишни студии) и три стипендии со делумна школарина (50%) за магистерски студии за управување со проекти (2 годишни студии).
Според Македонија 2025 ова е одлична можност за млади и амбициозни ученици/студенти да се здобијат со меѓународно искуство и диплома, и да запознаат колеги и професионалци од различни краеви на светот.
Краен рок за аплицирање е 25 март 2021 година. скс/дма/