Лишен од слобода насилник од Скопје, поднесена кривична пријава по брза постапка
Скопје, 14 април 2023 (МИА) - Од страна на Единица за насилен криминал – Одделение за насилен криминал при СВР Скопје до ОЈО Скопје денеска е поднесена кривична пријава по брза постапка за против К.С.(32) од Скопје, поради основано сомнение дека извршил кривични дела „насилство“ и „напад на службено лице при вршење работа на безбедност“, казниви по чл. 386 и чл.383 од Кривичниот законик.
Тој, како што информираат од МВР, се сомничи дека на 13.04.2023 во 14:00 часот во авто сервис на подрачјето на Чаир во Скопје, се однесувал агресивно и со тврди предмети ги нападнал Д.З.(41) од Скопје и вработените З.А., Р.K., В.И.(42), како и Г.А.(42) од Скопје, вработен како обезбедување кој вршел службени дејствија.
Фото:МИА
