Летовите во САД се враќаат во нормала по вчерашниот дефект во системот за нивно следење
Вашингтон, 12 јануари 2023 (МИА) – Американските авиокомпании очекуваат денеска да се вратат во целосно нормален ритам на работа по вчерашниот дефект во компјутерскиот систем за следење летови, додека Федералната управа за авијација продолжува да ги истражува причините за падот на системот.
Повеќе од 11.300 летови биле одложени или откажани вчера, а изутрината 76 биле откажани, а уште 577 биле одложени, покажуваат податоците на веб-страницата Флајтауер.
Големите авиокомпании, меѓу кои се „Делта Ерлајнс“, „Јунајтед Ерлајнс“, „Американ Ерлајнс“ и „Саутвест Ерлајнс“ очекуваат сите летови да се вратат во нормален распоред до крајот на денот. рп/
