Ковачевски - Фасино: Прашањето на почеток на преговорите со Северна Македонија е неопходен одговор за безбедноста на Европа
- Прашањето на почеток на преговорите на Брисел со Северна Македонија е неопходен одговор на потребата за безбедноста на Европа, констатирале на денешната средба премиерот Димитар Ковачевски и
![Ковачевски - Фасино: Прашањето на почеток на преговорите со Северна Македонија е неопходен одговор за безбедноста на Европа](https://new.mia.mk/images/20221113141210_big_730x400_2.webp )
Скопје, 22 мај 202 (МИА) - Прашањето на почеток на преговорите на Брисел со Северна Македонија е неопходен одговор на потребата за безбедноста на Европа, констатирале на денешната средба премиерот Димитар Ковачевски и претседателот на Комисијата за надворешни работи на Домот на пратениците на италијанскиот парламент Пјеро Фасино.
На средбата, пред почетокот на официјалната и работна посета на Италија и Ватикан на Ковачевски, е истакнато традиционалното пријателство меѓу Северна Македонија и Италија кое постојано се унапредува на највисоко институционално ниво кое е втемелено на заедничките европски вредности.
-Премиерот Ковачевски на средбата се заблагодари за силната поддршка за европските перспективи на нашата земја која беше и формално изразена со резолуцијата на Парламентот на Република Италија во која италијанските народни претставници побараа ЕУ да го продолжи проширувањето со итно започнување на преговорите за членство со Северна Македонија и Албанија, како приоритетно прашање со која ќе биде потврдена европската перспектива на Западен Балкан, наведуваат од владината прес-служба.
Ковачевски во тек на престојот на Ватикан и Рим ќе има аудиенција кај папата Франциск и ќе присуствува на молебенот на гробот на Св. Кирил во црквата „Сан Клементе“, а во работниот дел од посетата се најавени средби со претседателот на Советот на министри на Италија Марио Драги, како и со премиерот на Бугарија Кирил Петков. лв/
![Ковачевски Фасино](/articles/images/%d0%ba%d0%be%d0%b2%d0%b0%d1%87%d0%b5%d0%b2%d1%81%d0%ba%d0%b8-%d1%84%d0/Yn5aXCHXt/placeholder.webp?use_watermark=0)