Киев, 16 март 2026 (МИА) - Серија експлозии одекнаа во центарот на Киев утрово, а властите објавија необичен руски напад со дронови среде бел ден врз украинскиот главен град.

„Остатоци од дронови паднаа во самиот центар на градот, без да предизвикаат жртви“, рече градоначалникот Виталиј Кличко додавајќи: „Непријателскиот напад врз Киев продолжува, останете во засолништата“.

Воздухопловните сили на Украина објавија на „Телеграм“ неколку бранови борбени дронови и најмалку една ракета.

Според каналите на „Телеграм“' блиски до украинската армија, воздушната одбрана собори две крстосувачки ракети што го нападнаа главниот град.

Воздушната тревога беше прогласена во Киев околу 8.30 часот по локално време и траеше речиси еден час. мс/сд/

фото: ЕПА архива