Кинеската фудбалска федерација наметна доживотна забрана за 38 играчи вклучени во местење натпревари и спортско обложување
- Кинеската фудбалска федерација воведе доживотна забрана за активности поврзани со фудбалот на 38 играчи вклучени во местење натпревари и спортско обложување. Истите санкции беа наметнати и на пет челници на кинески клубови.
![Кинеската фудбалска федерација наметна доживотна забрана за 38 играчи вклучени во местење натпревари и спортско обложување](https://new.mia.mk/images/20240910174827_big_730x400_81.webp )
Пекинг, 10 септември 2024 (МИА) - Кинеската фудбалска федерација воведе доживотна забрана за активности поврзани со фудбалот на 38 играчи вклучени во местење натпревари и спортско обложување. Истите санкции беа наметнати и на пет челници на кинески клубови.
Доживотна суспензија добија голем број поранешни кинески репрезентативци, како и еден репрезентативец на Република Кореја кој играше во кинеската лига. Покрај тоа, 15 играчи и двајца менаџери на клубови добија по пет години суспензија за било каква фудбалска активност.
Истрагата е во тек од 2022 година и опфатила 120 натпревари и 41 клуб, јавуваат светските агенции.
Во август се дозна дека поранешниот член на кинеската фудбалска асоцијација Хуанг Сун беше прогласен за виновен за примање мито и осуден на 7 години затвор, а поранешниот потпретседател Јуји Ли доби 11 години затвор од истите причини.
Во март, поранешниот претседател на фудбалската асоцијација, Чен Џујуан, беше осуден на доживотен затвор за коруптивни постапки. дс
Фото: Архива