Дебар, 11 декември 2025 (МИА) - Од печат излезе првата разгледница „Народни носии на македонското национално малцинство во Република Албанија“ на авторот Никола Ѓурѓај.

-На разгледницата  се сместени 12 фотографии од традиционалните македонски носии од Голо Брдо, Преспа, Гора, Врбник – Билишта, селата Крчишта и Ербеле – Поле – Маќелара, вели Ѓурѓај, инаку претседател на македонското друштво “Илинден“-Тирана и главен и одговорен уредник на истоимениот македонски весник.

Додава дека примероците од оваа разгледница ќе се распределува низ Република Албанија.

-Печатењето на разгледница претставува значаен придонес за зачувување на македонското културно наследство на Македонците во Република Албанија, нагласува тој.

Според него ова издание е отпечатено со финансиска поддршка на семејство Ѓурѓај. вт/сст/