Софија, 8 ноември 2024 (МИА/БТА) - При ископувањата на „Хераклеја Синтика“ пронајдени се околу 3.500 монети. „Ова е многу импресивна фигура“, изјави за БТА професорот Људмил Вагалински, археолог и раководител на ископувањата на античкиот град. Тој најави дека во првата недела од декември од Градскиот историски музеј - Петрич ќе пристигне тим нумизматичари кои ќе ги испитаат античките монети пронајдени при ископувањата.

Ова е веста, која денеска ја избра МИА од сервисот на Бугарската телеграфска агенција (БТА), согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат по една вест, која ќе ја објават на својот интернет сајт без промени со изрично посочување и цитирање на партнерот како извор.

„Специјалистите се главниот асистент доктор Лили Грозданова од Софискиот универзитет од Катедрата за античка и средновековна историја и докторката Христина Иванова Анапиелти, која живее и работи во Швајцарија, а исто така е нумизматичар. Тие подготвуваат монографија за сите монети што ги најдовме во Хераклеја досега „Најважно е што овие монети се откриени од археолозите и имаат свој археолошки контекст“, вели професорот Вагалински.

Специјалистите ќе ги испитаат монетите со многу современи технологии, вклучително и скенер. Специјалистите се очекува да ги донесат во музејот Петрич монетите кои се конзервирани и реставрирани во Софија и Регионалниот музеј Благоевград. Монетите ќе станат дел од колекцијата на музејот во Петрич.

Проф. Људмил Вагалински се надева дека општина Петрич наскоро ќе реализира и втор проект за реставрација и изложба на Хераклеја. На овој начин античкиот град ќе се етаблира како водечка туристичка локација на Балканот, смета тој.

Ископувањата во иднина ќе се прошират и ќе ја опфатат источната периферија на централниот плоштад. Проф. Вагалински очекува таму да бидат откриени храмот на Херакле и источната порта на античкиот град Хераклеја Синтика. Ќе заврши и студијата за римската јавна зграда со поден мозаик, која експертите ја регистрираат летово.

Потсетуваме дека пред само неколку дена, тим од експерти предводени од вонреден професор доктор Иво Чолаков од Националниот археолошки институт со музеј при Бугарската академија на науките (БАН) ги открија темелите на водоводниот цевковод што ја снабдуваше Хераклеја Синтика. Античкиот водовод се наоѓа во областа Адаирица кај селото Митино во Петрица.

Медиумската информативна агенција овие текстови ги објавува во оригинална форма, согласно Договорот за размена на информации и професионална соработка меѓу двете национални новински агенции.