Заврши лидерската средба во Собранието
![Заврши лидерската средба во Собранието](https://new.mia.mk/images/20231204150257_big_730x400_21.webp )
Скопје, 4 декември 2023 (МИА) - Во Собранието заврши средбата на лидерите на најголемите парламентарни партии во земјата. Се очекува за исходот изјава да даде премиерот и лидер на СДСМ Димитар Ковачевски.
На средбата присуствуваат премиерот и лидер на СДСМ Димитар Ковачевски, лидертот на ДУИ Али Ахмети, на Алијансата на Албанците Арбен Таравари, лидерите од Европскиот сојуз за промена Изет Меџити, Билал Касами, Африм Гаши, на НСДП Горан Мисовски, на ДОМ Маја Морачанин, на ВМРО-ДПМНЕ Христијан Мицковски, на Демократскиот сојуз Павле Трајанов... Присуствуваше и претседателот на Собранието Талат Џафери.
Првите луѓе на партиите се очекуваше да го договорат датумот за претседателските и парламентарните избори, а извесно е дека тие ќе се одржат во мај. Тие во јавните изјави веќе изразија согласност дека изборите би можеле да се одржат тогаш.
Пред почетокот на средбата во изјави за медиумите веќе познатите ставови ги презентираа лидерите на ВМРО-ДПМНЕ Христијан Мицкоцки и на Алијанса за Албанците Арбен Таравари и Скендер Реџепи Зејд... Средбата ја напуштија Изет Меџити, Билал Касами и Африм Гаши од Европско движење за промена. фф/ев/