Едно лице загина во сообраќајка кај Струмица
- Едно лице загина во сообраќајка што се случи вечерва околу 21:30 часот на излезот од село Дабиле, пред крстосницата за селото Робово, на магистралниот пат Струмица-Граничен премин Ново Село.
![Едно лице загина во сообраќајка кај Струмица](https://new.mia.mk/images/20230628000436_big_730x400_84.webp )
Струмица, 27 јуни 2023 (МИА) - Едно лице загина во сообраќајка што се случи вечерва околу 21:30 часот на излезот од село Дабиле, пред крстосницата за селото Робово, на магистралниот пат Струмица-Граничен премин Ново Село.
Веста ја потврди портпаролката на СВР Струмица, Александра Трајанова, која информираше дека во сообраќајката учествувале автомобили „фиат браво“ и „мерцедес“ и дека полицијата го обезбедува местото на несреќата и се чека да заврши увидот на јавен обвинител. Повеќе информации од полицијата ќе соопштат дополнително.
Според информации од струмичката болница, околу 22 часот таму бил донесен починат маж на 47 годишна возраст-возач на „мерцедесот“, додека другиот возач поминал без повреди.
Сообраќајот на овој патен правец се пренасочува преку селото Сачево. рт/аа/
Фото: МИА архива