Тетово, 17 октомври 2021 (МИА) – Во Општина Јегуновце по десет часа гласање своето право на глас го оствариле 35, 85 отсто од гласачите или 3662 од 10.225 евидентирани избирачи, што претставува највисок процент во сите шест општините кои припаѓаат на тетовското подрачје.

Следува Општина Брвеница со 33,31 отсто и Тетово со 33,24 проценти од избирачи кои гласале од 7 до 17 часот, покажуваат податоците од општинските изборни комисии.

Во Теарце гласале 32,55 отсто од 22450 лица евидентирани во избирачкиот список. Најмалку гласање има во Општина Желино 30,82 отсто и во Општина Боговиње 30, 04 отсто од населението кое има право да гласа на локалните избори.ас/фф/