Дејан Цветковски нов директор на НУ Камерен оркестар на Битола
- Националната установа Камерен оркестар на Битола информира дека од денеска нов директор на таа национална установа е Дејан Цветковски, вработен во установата, а досегашниот директор и диригент Владимир Димовски ќе продолжи да работи во оркестарот како надворешен соработник.
![Дејан Цветковски нов директор на НУ Камерен оркестар на Битола](https://new.mia.mk/images/20240911142721_big_730x400_96.webp )
Битола, 11 септември 2024 (МИА) - Националната установа Камерен оркестар на Битола информира дека од денеска нов директор на таа национална установа е Дејан Цветковски, вработен во установата, а досегашниот директор и диригент Владимир Димовски ќе продолжи да работи во оркестарот како надворешен соработник.
Во соопштение до јавноста, Димовски изјави дека промената на раководството е поради истечен мандат на досегашниот директор.
-Единаесет години се борев Камерен Оркестар на Битола да стане Национална Установа со свои вработени и пред две години тоа го постигнав. Многуте цели кои ги имав се остварија, а тоа се вработувањето на професионални музичари во оркестарот, потоа концерт со оркестарот во Виена, но и во Прага и Рим, како и други цели. Мојата соработка со НУ Камерен Оркестар на Битола ќе продолжи како и досега, се посочува меѓудругото во соопштение до јавноста од досегашниот директор Димовски, воедно вработен во Националната опера и балет. мт/сст/
Фото: НУ Камерен оркестар на Битола