Гостивар, 12 септември 2024 (МИА) – Две лица починале од повреди здобиени во сообраќајната несреќа што се случи вечерва на магистралниот пат Гостивар – Кичево.

Од СВР Тетово информираат дека во тек е увид на местото на несреќата и сообраќајот се пренасочува по околните патни правци и локални патишта.

- Во судар на патничко возило со гостиварски ознаки и камион со странски таблички, едно лице починало на самото место, а другото во гостиварската Болница. Заради увидот и утврдување на причините кои довеле до несреќата сообраќајот на овој патен правец е во целосен прекин од 21:20 часот, изјави за МИА, портпаролот на СВР Тетово, Фатмир Реџепи.

Според првичните информации, несреќата се случила пред влез на три километри пред Гостивар во близина на неколку угостителски објекти. згм/бак/

Фото: МИА