Берлин, 22 јули 2026 (МИА) – Германскиот канцелар Фридрих Мерц брзо го назначи новиот лидер на парламентарната група на конзервативниот блок, откако местото остана празно по оставката на Јенс Шпан поради спорот околу сурогат-мајчинството, кој ја потресе политичката коалиција, јави ДПА.

Шпан се повлече од раководството на пратеничката група откако стана татко во САД преку сурогат-мајчинство и по силниот внатрепартиски притисок. Неговата одлука предизвика критики во Германија, бидејќи сурогат-мајчинството е забрането според германското законодавство, а Христијанско-демократската унија на Мерц се спротивставува на легализацијата на оваа практика – позиција што самиот Шпан ја застапуваше во минатото како поранешен министер за здравство.

На негово место Мерц го избра Торстен Фрај, шефот на својот кабинет. Со тоа Фрај станува новиот лидер на парламентарната група на Христијанско-демократската и Христијанско-социјалната унија, изјавија двајца претставници на конзервативниот блок.

Пратеничката група сè уште треба официјално да го потврди назначувањето на идниот лидер следната недела. ссм/

фото: архива