Втора победа за македонските кошаркари во претквалификациите за Евробаскет 2025
- Македонската кошаркарска репрезентација ја победи Словачка со 79:75 во 2. коло од претквалификациите за Евробаскет 2025.
![Втора победа за македонските кошаркари во претквалификациите за Евробаскет 2025](https://new.mia.mk/images/20221113205619_big_730x400_38.webp )
Скопје, 28 август 2022 (МИА) – Македонската кошаркарска репрезентација ја победи Словачка со 79:75 во 2. коло од претквалификациите за Евробаскет 2025.
Во најголем дел од натпреварот одигран вечерва во СРЦ „Кале“ во Скопје, гостите беа во водство, но „црвено-жолтите“ беа упорни и на три минути до крајот семафорот покажуваше 69:69. Следуваше серија од 7:0 за конечна победа на македонската селекција.
Најефикасни во победничкиот тим беа Ненад Димитријевиќ со 20, Андреј Јакимовски и Војдан Стојановски додадоа по 15.
На вториот натпревар од Д-групата во претквалификациите Норвешка ја победи Данска со 99:75.
По две кола, Македонците како и Норвежаните имаат по две победи, Словаците и Данците се без триумф. зс/
![кошарка мкд](/articles/images/%d0%b2%d1%82%d0%be%d1%80%d0%b0-%d0%bf%d0%be%d0%b1%d0%b5%d0%b4%d0%b0-%d/mbkEjWwbr/placeholder.webp?use_watermark=0)