Струмица, 31 март 2022 (МИА) - Во порaнeшната касарна денеска завршува тридневната вежба „Струмица 2022“ за обука, заштита и спасување од урнатини со тимовите за брз одговор од противпожарните единици на Битола, Пробиштип, Тетово, Струмица и Крива Паланка и Дирекцијата за заштита и спасување. На вежбата присуствуваше директорот на Дирекцијата за заштита и спасување, Беким Макусти, претставници на Амбасадата на Франција во нашата држава и членови на Советот на Општина Струмица. - Акцент се става на запознавање на конструктивни системи и оштетувања од дејство на земјотрес, видови на пукнатини и урнатини на објекти, тактиката за потрага и спасување на лица загрозени, процедурите при употребата на тимовите за брз одговор, запознавање со процедурите за управување, пребарување и постапката за оперативно содејство со други субјекти вклучени во акциите за спасување од урнатини, укажување на прва помош, санирање на последиците и згрижување на повредени, како и практична примена и демонстрација на опремата со која располагаат тимовите во активностите за заштита и спасување на терен, информираа од Дирекцијата за заштита и спасување. Tимовите за брз одговор од ТППЕ Струмица и Тетово од ДСЗ добија три комплети опрема за пребарување и спасување од урнатини, која беше употребена на вежбата „Струмица 2022“. рт/фф/