Радовиш, 26 август 2021 (МИА) - Во Радовиш досега е поднесена една независна кандидатура за градоначалник и листа на советници од Горан Поцев. Според информациите од Подрачната канцеларија на Државната изборна комисија, кандидатурите се поднесени денес и до 30-ти овој месец подносителите треба да ги соберат потребниот број потписи. За Општина Конче досега нема поднесено независна кандидатура за градоначалник и листа на советници. Инаку, во Подрачната канцеларија на Државната изборна комисија во Радовиш трае увидот во Избирачкиот список и досега 52 граѓани го искористиле своето право да извршат увид, а нема ниту едно барање некој да биде запишан во Избирачкиот список. рт/дма/