Делчево, 22 декември 2023 (МИА) - Во Делчево се одржа првиот дел од литературно-поетската манифестација „Вапцарови бранувања 2023“. Во рамки на манифестацијата која ја организира Националната установа Центар за култура „Никола Јонков Вапцаров" од Делчево годинава се планирани неколку активности поделени во три дела.

-Во рамки на првиот дел од „Вапцарови Бранувања 2023“ одржа промоција на книгите „Радио“ и „Неправилен ритам“ од Љупчо Јолевски, а имавме и доделување на наградите по литературниот конкурс. Во третиот дел од оваа манифрстација првонаградените ќе го посетата гробот на Вапцатов и музејот кој е посветен нему во Банско, Бугарија, рече директорот на НУЦК ,,Н.Ј.Вапцаров" Љупчо Петровски.

Гран при наградата во рамки на литературниот конкурс годинава и припадна на поетесата Габриела Костадинова од Пехчево.

-Благодарам до жирито што одлучија токму јас да ја добијам оваа награда која многу ми значи особено што е чест и гордост да се пишува за Вапцаров кој секогаш ја искажувал својата љубов кон Македонија, рече Костадинова.

Во рамки на промоцијата на книгите „Радио“ и „Неправилен ритам“ од Љупчо Јолевски, осврт на неговото творештво даде писателот Дејан Трајковски, а пред присутните своја изведба имаа и уметниците Дејан Спасович и Добрила Грашовиќ.

Манифестацијата Вапцарови Бранувања која е посветена на големиот поет Никола Јонков Вапцаров и е прокет на литературно-трибинската дејност при НУЦК ,,Н.Ј.Вапцаров" кој е поддржан од Министерството за култура. вс/сст/

Фото: МИА