Во Бразил, поради уништувањето на шумите, емисиите на стакленички гасови зголемени за речиси 10 отсто
Емисиите на стакленички гасови во Бразил се зголемија за 9,5 отсто минатата година, најмногу поради уништувањето на шумите, што ја прави земјата една од ретките големи светски економии што не
Бразилија, 29 октомври 2021 (МИА) - Емисиите на стакленички гасови во Бразил се зголемија за 9,5 отсто минатата година, најмногу поради уништувањето на шумите, што ја прави земјата една од ретките големи светски економии што не го намали загадувањето за време на заклучувањето и пандемијата на коронавирус.
На глобално ниво, емисиите на стакленички гасови се намалија во просек за седум проценти во 2020 година поради рестриктивните мерки наметнати поради пандемијата на Ковид-19, која ја парализираше глобалната економија.
Но, Бразил испуштил 2,16 милијарди тони јаглерод диоксид во истиот период, што е највисоко од 2006 година, се наведува во извештајот на Здружението на еколошки групи кои дејствуваат под името Климатска опсерваторија.
„Порастот на уништувањето на шумите во Бразил, особено во Амазонската прашума, во таа земја резултираше со спротивен тренд забележан на остатокот од планетата“, се вели во извештајот.
Уништувањето на шумите во Бразил особено се зголеми откако лидерот на екстремната десница Жаир Болсонаро ја презеде функцијата во 2019 година, со намера да ги отвори заштитените области за земјоделството и рударството. паг/
Mia.mk користи колачиња Ние користиме колачиња за да го подобриме вашето искуство со прелистување, да опслужуваме персонализирани реклами или содржини и да го анализираме нашиот сообраќај. Со кликнување на „Прифати“, се согласувате со нашата употреба на колачиња.
