Велес, 11 јануари 2026 (МИА) - Полициски службеници од СВР Велес вчера попладне во 14:15 часот ги лишиле од слобода 36 годишиот  Д.А. и 40 годишниот Ѓ.Д. двајцата од Велес. Како што денеска информираат од СВР Велес, тие се сомничат дека од просторијата која ја користат вработени во здравствена установа во Велес, одземале паричници во кои имало пари, платежни картички и лични документи, сопственост на 53-годишната С.Д.Н. и 34-годишната П.Т., двете од Велес. Со платежните картички се обиделе да извадат парични средства од банкомати, а Д.А. во продажно место извршил неколку трансакции.

Дел од одземеното било пронајдено и вратено на сопственичките. Д.А. и Ѓ.Д. биле приведени во полициска станица, известен бил јавен обвинител и по документирање на настанот против нив ќе биде поднесена соодветна пријава. ад/сст/

Фото МИА архива