Делчево, 1 јануари 2025 (МИА) - Градоначалникот на Македонска Каменица, Димчо Атанасовски синоќа заедно со претставници на Рудник Саса ги посетија  дежурните екипи кои секоја година несебично се грижат за безбедноста и здравјето на граѓаните од Македонска Каменица. 

Како што соопшти Атанасовски остварена е посета на Итната медицинска помош, Територијалната противпожарна единица и Полициската станица во Македонска Каменица.

-Заедно со техничкиот директор на Рудник САСА,  Гоцевски и претставници од оваа општествено одговорна компанија имавме можност лично да им се заблагодариме за нивната посветеност, труд и пожртвуваност. Нивната професионалност и подготвеност ни даваат чувство на сигурност и во најсвечените мигови, истакна Атанасовски.

На дежурните служби им посакале  успешна година, здравје и уште многу успеси на професионален план.

Како градоначалник на Македонска Каменица, додаде дека и понатаму останува посветен на зајакнување на поддршката за овие витални служби кои се основа на  функционирање на секоја заедница. вс/вг/

Фото: Димчо Атанасовски, градоначалник на Македонска Каменица