Аплицирај за „МАГИС“ стипендија во Меѓународното училиште „Маариф“
![Аплицирај за „МАГИС“ стипендија во Меѓународното училиште „Маариф“](https://new.mia.mk/images/20221107110104_big_730x400_52.webp )
Број на објава: 661/05/21
Датум: 19.05.2021
Клучни зборови: Меѓународното училиште „Маариф“
Скопје, 19 мај 2021година - Меѓународното училиште „Маариф“, неодамна ја претставија наставата, училиштата и раните уписи за учениците за време на „Отворени денови“ онлајн.
Земјаќи ги во предвид сите мерки кои се уште не овозможуваат разгледување на училиштата и информирање лично во поголеми групи – „Маариф“ се послужи со модерната технологија на онлај прикажување.
Изминатата недела Меѓународното училиште „Маариф“ во два наврати го претстави своето училиште, односно одделот на градинка, основно и средно училиште. Бидејќи родителите немаа прилика со своите деца да го посетат лично и да се информираат, онлајн презентацијата беше комплетно срочена за секој заинтересиран родител, и ученик да може да добие јасна слика за каква настава и бенефит станува збор.
За време на „Отворените денови“, учениците имаа можност да се информираат за раната регистрација која трае до 31ви мај и е со 5% попуст на целокупната стипендија, како и за приемнот испит за средношколците познат како „Магис“.
Оваа година приемниот испит учениците го полагаат на 22ри мај, во кампусот на Меѓународното училиште „Маариф“ во Брвеница, Тетово и во новиот објект во Скопје - Американскиот Универзитет на Европа-ФОН. Воедно овој приемен испит е и одлична можност за добивање на целосна стипендија во училиштето.
Квалитетниот кадар и можноста за учење на повеќе јазици, како и меѓународно признаена диплома, се само неколку од бенефитите кои се истакнати во училиштето.
Инаку познато е дека за сега училиштето функционираше само на територија на Тетово, односно во кампусот се наоѓаат градинката, основното и средното училиште, додека има и градинка во Скопје. Но, неодамна турската фондација „Маариф“ реши да ја прошири својата едукација и на територијата на главниот град, Скопје, склучувајќи договор за купување на дел од студентскиот кампус на Американскиот Универзитет на Европа-ФОН.
Во продолжение погледнете во видеото на „Отворени Денови“ во Меѓународното училиште „Маариф“.
https://www.youtube.com/watch?v=7yRH0-LQudg
МИА - ОТС Комерцијални соопштенија
Напомена: Оригинален текст. За содржината е одговорен нарачателот.