Вашингтон, 30 март 2022 (МИА) – Американскиот претседател Џо Бајден денеска ја прима втората бустер доза вакцина против коронавирус, соопшти Белата куќа. Бајден (79) ќе ја добие четвртата доза од вакцината откако ќе и се обрати на јавноста на новата владина веб-страница COVID.gov, која треба да помогне да се одговори на пандемијата и да обезбеди информации за тестирање и вакцинација. - Дозата ќе му ја даде член на медицинскиот персонал во Белата куќа, изјави портпарол. Бајден ќе ја прими вакцината еден ден откако САД одобрија четвртата доза на вакцините на Фајзер/Бионтек или Модерна за луѓе над 50 години, бидејќи властите предупредуваат на потенцијален нов бран предизвикан од БА. 2 подваријантата на омикрон. јт/