Швионтек и Сакари во финалето на Индијан Велс
- Најдобрата светска тенисерка во полуфиналето со убедливи 6:2, 6:1 ја совлада Украинката Марта Костјук, 32. на ВТА листата.
![Швионтек и Сакари во финалето на Индијан Велс](https://new.mia.mk/images/20240316091534_big_730x400_67.webp )
Индијан Велс, 16 март 2024 (МИА) - Во финалето на турнирот во Индијан Велс во женска конкуренција ќе играат Ига Швионтек (Полска) и Марија Сакари (Грција).
Најдобрата светска тенисерка во полуфиналето со убедливи 6:2, 6:1 ја совлада Украинката Марта Костјук, 32. на ВТА листата.
Ига беше немилосрдна, па Марта немаше шанси да му се спротивстави на максимално мотивираниот и поквалитетен противник.
Сакари, деветти на ВТА листата, направи изненадување и ја совлада третата светска тенисерка, Американката Коко Гоф со 2:1, по сетови 6:4, 6:7 (5:7), 6:2. дс
Фото: Фејсбук